ሙሐመድ ﷺ
የአንፀባራቂው ታሪክ ባለቤት
ከመነሻ እስከ መድረሻ
ክፍል - 3
•> ባሳለፍናቸው ክፍል አንድና ሁለት መልዕክቶች: -
• የመልእክተኛው ﷺ መነሻ ታሪክ ላይ የነቢዩ ኢብራሂም ﷺ ትውልድ ሀገርና ነቢይ ተደርገው የተላኩባት ኢራቅ መሆኗን፤
• ከሀገራቸው ከኢራቅ ወደ ሻም ምድር ( ያሁኖቹ ሶሪያ፣ ዮርዳኖስ፣ ሊባኖስና ፍልስጢን በሚል ወደ ተከፋፈሏት ምድር ) መሰደዳቸውን፤
• መስር (ግብፅ ሀገር) ገብተው ቆይታ ማድረጋቸውን፤
• በግብፅ ንጉስ ፈተና ገጥሟቸው ለባለቤታቸው ለሳራ ክብር ሃጀር የምትባል የቤተመንግስቱ ምርጥ እንስት እንድትካድማት መሰጠቱን፤
• ከግብፅ ወደ ፍልስጢን መመለሳቸውን ፤
• ከሀገር ሀገር የሚሰደዱት ተውሂድን ለማስተማርና ራሳቸውንም ከጨካኝ ገዢዎች ሴራ ለማዳን ወደ ተሻለና ወደ ተረጋጋ ስፍራ መሄዳቸውን ፤
• ከኢራቅ ሲሰደዱ ከነቢዩ ሉጥ ﷺ እና ከባለቤታቸው ከሳራ ጋር መሆኑን፤
• ሳራ ያጎታቸው ልጅና ባለቤታቸው መሆንዋን ፤
• እመት ሃጀርን የግብፅ ንጉስ ለሳራ በስጦታ እንደሸለማት ሁሉ እመቤት ሳራም ልጅ በማጣት ረጅም እድሜ ከባሏ ጋር በማሳለፏና ባለቤቷም የሚተካውን ልጅ ፈልጎ እንደጓጓ ስለምታውቅ ሃጀርን አሳልፋ ለውዱ ባለቤቷ መስጠቷን ፤
• ኢብራሂም ﷺ ስጦታውን ተቀብለው ከሃጀር ልጅ ማፍራታቸውን፤
• የኢብራሂም ﷺ የመጀመርያው ልጅ ኢስማዒል መሆኑን፤
• በኢስማዒል መወለድ ባለውለታዋ ሳራ መልሳ መቅናቷንና ከእይታዋ እንዲርቁ ማሰቧን፤
• ነቢዩ ኢብራሂም ﷺ መልእክተኛ ነቢይ በመሆናቸው የሚሰሩት በሙሉ በአላህ ትእዛዝ መሆኑን ተመልክተናል።
በዚህም መሰረት የሀይማኖታችን መሰረታዊ ነጥቦችን እንደሚከተለው እናስተውላለን።
①• ኢብራሂም ﷺ የአላህ መልእክተኛ ነቢይ ናቸው።
° በዚህ ማእረግ ያለ ሰው የሚተገብረው በሙሉ ከፈጣሪው የታዘዘው መልእክት በመሆኑ ለማንም የግል ራእይ ቦታ የለውም።
②• ፈጣሪያችን አላህ ኢብራሂምን ﷺ የላከው የሰው ልጆች ፈጣሪ ጌታቸውን ብቸኛውን አምላካቸውን አላህን ያለ ምንም አጋር እንዲያመልኩ ነው።
③• ኢብራሂም ﷺበህይወት እያሉ አይሁዳነት፣ ክርስትና የሚባሉ እምነቶች አልነበሩም።
• ወደ ፊት እንደምንደርስበት ሁሉ አይሁዳ የሚባለው እምነት የተፈጠረው ከኢብራሂም ﷺየልጅ ልጅ በኋላ ነው።
• ክርስትናም የተፈጠረው ከበርካታ ዘመናት በኋላ ከነቢዩ ዒሳ ﷺእርገት በኋላ ነው።
ፈጣሪያችን አላህም እንዲህ ይለናል
{ يَا أَهْلَ الْكِتَابِ لِمَ تُحَاجُّونَ فِي إِبْرَاهِيمَ وَمَا أُنْزِلَتِ التَّوْرَاةُ وَالْإِنْجِيلُ إِلَّا مِنْ بَعْدِهِ أَفَلَا تَعْقِلُونَ }.
آل عمران/65
« እናንተ የመልሐፉ ሰዎች ሆይ !
በኢብራሂም (ጉዳይ) ለምን ትከራከራላችሁ ? ተውራትና ኢንጂልም ከሱ በኋላ እንጂ አልተወረዱም። ልብ አታደርጉምን በላቸው። »
ኣሊ ዒምራን: 65
• ኢብራሂም ﷺ ይሁዲም ክርስቲያንም አልነበረም። ነገር ግን ከባዕድ አምልኮ ጥርት ያለ ፈጣሪ ጌታውን ብቻ የሚታዘዝ ነቢይ ነበር።
{ مَا كَانَ إِبْرَاهِيم يَهُودِيًّا وَلَا نَصْرَانِيًّا وَلَكِنْ كَانَ حَنِيفًا مُسْلِمًا وَمَا كَانَ مِنْ الْمُشْرِكِينَ }
آل عمران/67
« ኢብራሂም ይሁዳዊም ክርስቲያንም አልነበረም። ግን ወደ ቀጥተኛው ሃይማኖት የተዘነበለ ሙስሊም ነበረ። ከአጋሪዎችም አልነበረም። »
ኣሊ ዒምራን: 67
• ለፈጣሪ ጌታችን ለአምላካችን ለአላህ እጅ ሰጥቶ በመታዘዝ ባእድ አምልኮን በመራቅ እሱን ብቻ ማምለክ ማለት ባጭሩ ኢስላም ይባላል። ነቢዩ ኢብራሂምም የአላህ መልእክተኛ፣ የነቢያት አባት ፣ የሙስሊሞች መሪ ናቸው።
4• የኢብራሂም ﷺ የበኩር ልጅ ማለትም የመጀመሪያ ልጁ ኢስማዒል ነው።
• በመሆኑም በነቢዩ ኢብራሂም ﷺ ማንነትና በበኩር ልጁ ማንነት ላይ ይሁዶችም ሆኑ ነሳራዎች ያደረጉት የታሪክ ሽሚያና ቅልበሳ ቦታ የሌለው ነው።
ክስተት 5
ቀጣዩ ቀደር
°•••••••••••°
አላህ ሱብሃነሁ ወተዓላ ነቢዩ ኢብራሂምን አለይሂ ሰላም ያሉበትን የፍልስጢንን ምድር ለቅቀው ……
_________
ሙሐመድ ﷺ
የአንፀባራቂው ታሪክ ባለቤት
ከመነሻ እስከ መድረሻ
ክፍል _4
ይቀጥላል ……
_________
احمد سيرة abufewzan
22Jan15
1 Rabi'e al-thani 1436
~`~
