ተማፅኖ

★★★★★ ~ ተማፅኖ ~ ★★★★★

* ጌታዬ! *

አንተን አልኩኝ’ንጂ ሁሉን እማዋየው

ሰውማ ፍጡር ነው 

የውስጤን፣

የሆዴን 

ብሶቴን ማን አየው?!

* ረቢ!! *

ሰላሙ፣ ከሪሙ፣ ሁሉን ቻዩ ጌታ

አግዘኝ፤ ፍቀደኝ

ኢማኔ እንዲፀና ውስጤ እንዲበረታ።

* አንድየ! *

ረሕማኑ ረሒሙ፣ ለጢፉ፣ ኸቢሩ፣ 

ሸክሜ ከብዶብኛል፣ 

ሰውነቴ ዝሏል፣ የወንጀል ክምሩ

እባክህ ገላግለኝ፣ 

እጠበኝ፣

ፈውሰኝ፣ 

አዛኙ፣ ገፉሩ።

* ኢላሂ! *

ሙእሚኑ፣ መቲኑ፣ ዐሊሙ፣ ሐኪሙ

ወዱዱ፣ ሶመዱ፣ ሐሊሙ፣ ቀዩሙ

እባክህ ራራልኝ

መሸሻ፣ መጠጊያ፣ 

ተስፋ፣ መከታዬ ያላንተ ማን አለኝ?!

* ጎፍታኮ! *

ፋጢሩ፣ ሻኪሩ፣ ጀባሩ፣ ቃዲሩ

ነሲሩ፣ በሲሩ፣ ከቢሩ፣ ቃሂሩ

ጉልበተኛው በዛ፣ አቅማችን ኮሰሰ

ጉልበቱን ተማምኖ፣ ወገኔን ጨረሰ

አደርገው ቢጨንቀኝ እንባየ ፈሰሰ።

* አምላኬ! *

አንድ አርገን በተውሒድ፣ ሰብስበን በሱንና

አድለን ሰኪና፣ አርቀህ ፈተና

"መታ ነስሩላሂ?" የሚል በዝቷልና።

(ኢብኑ ሙነወር፣ መጋቢት 7/2010)

Ibnu Munewor

March 16 at 3:37pm ·