ምንድነው መነሻው

Abufewzan Ahmed

ምንድነው መነሻው
ግቡና ፋኢዳው
መተራረም ቀርቶ እሳት ያስጀመረው

በሀሰድ ተራውጠው
በተዐሱብ ጠልቀው
ቢጠፋቸው መውጫው
ያሻቸውን ሲሉ
ዝም ስለተባሉ
በሀይል ሊታገሉ
ኪታብ አቃጠሉ
በጫጭቀውም ጣሉ
እዚህጋ ደረሰ መርሀላው አየለ
ካንደበትም አልፈው ክብሪትም ታዘለ።

ባህርም ተሻግረው
እንደመጡት ወርሰው
ከነሱ ያልሆነን
ለሀጁሪ ያልቆመን
ከነሱ ያልሄደን
ሙሉ እጅ ያልሰጠን
ሊያስቆሙ ከጅለው
ዘለፋም ጨምረው
ዛቻም አስከትለው
እስካሁን በሰሩት
መቆም ካልበቃቸው

መፅሀፍ ካቃጠሉ
በዚህ ከቀጠሉ
ክብሪትም ካዘሉ
ይህቺ ጠጋጠጋ
ብዕሩን ፍለጋ
ከመጡ ሰዉጋ
ነገሩ አስጊ ነው በጂሃድ ከሳሉ
የወንድማቸውን መፈክር ካዘሉ
ኢማጠቱል አዛ ይኸ ነው እንዳይሉ።

አቅሙ ኖሯቸው
ሀቅን ተደግፈው
ኪታቡን ገላልጠው
ስህተቱን ቢያሳዩ በእርምት ቢመጡ
አግባብ ያለውን ረድ በይፋ ቢሰጡ
ይኸ ነው ተመስጋኝ ለሀቅ ቢቆጡ።

ግና
ምንም ቢያቃጥሉት
ቀዳደው ቢጥሉት
ወይም ቢደብቁት
ዝናውን ቢያጎድፉት
ሀቅ ሀቅ ነውና በጉልበት አይረቱት።

አሳዛኙ ጉዳይ
ካፊር እንኳ ያልሰራውን
የሙስሊም ነው ብሎ ንቆ ያልጣለውን
አቃጥሎ ወይ ቀድዶ ይፋ ያላረገውን
ስንት ነስ ደሊል ውስጡ ያዘለውን
በነሱ ፊት እንዲህ ማቅለል ራሳችንን
ምን የሚሉት ድፍረት ግቡስ ወዴት ይሆን!!!?

ማንስ አስገደደው
ስለምንስ ገዛው
ለምንስ ተዋሰው
የማያምንበትን ምን አከታተለው
ለማረም ካልሆነ ለምንስ ታቀፈው ?

ምን ጥቅም አለው ኢክዋን ማለታችሁ
እንዲሁ ለቃል ብቻ ሽብር ማውገዛችሁ
ወዲያ ተሻግራችሁ
ስድብ በዐረብኛ ቀስማችሁ መጥታችሁ
የሀሰድን ካባ የዲን ስም ሰጥታችሁ
ከቡድናችሁ የሆነን ሰለፊ ብላችሁ
ሠለፊይ የሆነን ጠላት አድርጋችሁ
ታርጋ ለጥፋችሁ
ሙሲባ ዘራችሁ
የቦንቧን ጅማሮ ክብሪቷን ገዛችሁ
በሰለፊያ ስም ትውልድ አናጋችሁ።

ታረሙ ካላችሁ
ሸይኾች አይቀሯችሁ
ዳዒ አይጥማችሁ
ምላሽ ከሰጣችሁ
ዓሊም አይገጥማችሁ
ሁሉን ማነወርያ ቀዳዳ ፈጥራችሁ
ጭራሽ ፉቀሃእ ዘንድ ዘላችሁ ገባችሁ
ሰሃባንም ሳይቀር በድፍረት ወጋችሁ።

ኧረ ይቅርባችሁ
ድንበር ዘለላችሁ
ላባላቶቻችሁ ወኔ ጨመራችሁ
ግፊት ጀመራችሁ ተጣሉ ብላችሁ
ተዉ ይቅርባችሁ
ስሙን የምትጠሩት
ኪታቡ ይብቃችሁ።

በምን ልግለፃችሁ
ሱንና ላይ አይደላችሁ
መንሀጁ ስም ሆነ አልተላበሳችሁ
ሁሌ ዑንፍ ብቻ ሀይል ትሻላችሁ
ብትደባብቁትም ሀዳዲነታቸሁ
ሀጁሪ ካላለ መስሚያ እንኳ የላችሁ
እምቢ ብሎ ታየ ይኸው ተግባራችሁ።

ስንቱን አንድዳችሁ
መሳቂያም ሆናችሁ
ሰዉን ከፋፍላችሁ
ማቃቃር አንሷችሁ
ብላችሁ ብላችሁ
ከስድብ አልፋችሁ
ያ ትግል ናፍቋችሁ
በኢክዋን ቀንታችሁ
እሳት ጀመራችሁ ?

አላህ ይምራን እንጂ ቅኑን የዲን መንገድ
ብዥታው ተዘርቷል ሰዉን ሚያወናብድ።