ፆም📙 📩 ክፍል አንድ (1) የረመዳን ፆም ግዴታ ስለመሆኑ

Jemal Yassin Abu Hamza

May 22, 2015

📙ፆም📙
📩 ክፍል አንድ (1)
🌴 የረመዳን ፆም ግዴታ ስለመሆኑ

🍃 ሼኽ ሳሊሕ አልፈውዛን እንዲህ ይላሉ:~
▶ የረመዳን ወር መፆም ከእስልምና ማዕዘናት እና አላህ በባሮቹ ላይ ግዴታ ካደረጋቸው መካከል አንዱ ሲሆን ለዚህም ማስረጃ በቁርአን፣ በሐዲስ እና በዑለማኦች ስምምነት የተረጋገጠ ነው።
ከቁርአን:–
📘 "እናንተ ያመናችሁ ሆይ ጾም በነዚያ ከናንተ በፊት በነበሩት (ሕዝቦች) ላይ እንደ ተጻፈ በናንተም ላይ ተጻፈ (ተደነባ) ልትጠነቀቁ ይከጀላልና፡፡" እስከ ▶(እንድትጾሙ የተጻፈባችሁ) ያ በርሱ ውስጥ ለሰዎች መሪ ከቅን መንገድና (እውነትን ከውሸት) ከሚለዩም ገላጮች (አንቀጾች) ሲኾን ቁርኣን የተወረደበት የረመዳን ወር ነው፡፡ ከእናንተም ወሩን ያገኘ ሰው ይጹመው፡፡ በሽተኛ ወይም በጉዞ ላይ የኾነም ሰው ከሌሎች ቀኖች ቁጥሮችን (በልኩ) መጾም አለበት፡፡ አላህ በእናንተ ገሩን (ነገር) ይሻል፡፡ በእናንተም ችግሩን አይሻም፡፡ ቁጥሮችንም ልትሞሉ አላህንም ቅኑን መንገድ ስለመራችሁ ታከብሩትና ታመሰግኑት ዘንድ (ይህን ደነገግንላችሁ)፡፡ አልበቀራህ 182–184
📚 በሐዲስ:–
👉ዓብደላህ ኢብኑ ዑመር አላህ ይውደድላቸውና ነቢዩ –ሰለላሁ ዓለይሂ ወሰለም– እንዲህ ብሏል "እስልምና በአምስት ምሶሶ ተገንብቷል…
1· ከአላህ በስተቀር በእውነት ሊገዙት የሚገባ አምላክ እንደሌለ እና ሙሐመድ –ሰለላሁ ዓለይሂ ወሰለም– የአላህ መልእክተኛ መሆናቸውን መመስከር፣
2· ሰላትን ማቋቋም
3· ዘካህ – ግዴታዊ ምፅዋት– መስጠት
👉4· የረመዳን ወር መጾም
5· አቅሙ ከቻለ ሐጅ ማድረግ ( ቡኻሪ ዘግበውታል።
📙ምንጭ:–
አልሙለኸስ አልፊቅህ (1/373)