ከሊቃውንት 📘 ማኅደር
أكثروا من الأولاد تكثر لكم الأرزاق
ልጆች መውለድን አብዙ ሪዝቃችሁም
ይ በ ዛ ላ ች ኋ ል ና !
ልጆችን በብዛት ወይም አቀራርቦ
ማፍራትን ለሚፈሩ
እስከነአካቴው በትዳር ማግስት
ላለመውለድ ለሚደራደሩ
በቤተሰብ መብዛት
ለሚማረሩ
ምን ይዤ በሚል ኑሮን
በገቢ ቁጥር ለሚቆጥሩ
በምን ላሳድጋቸው በሚል
ገቢያቸው ላይ ለሚያማትሩ
በምን ላስተዳድር በሚል
በሃሳብ ለሚወረሩ
በራሳቸው ብቃትና ብልሃት ብቻ
እንደሚወጡት አድርገው
ለሚደነብሩ
ከውጭ ያሉት ሃይላት አሰማምረው
ስለተጣሩ
ብዙ አትውለዱ ድህነትን ፍሩ
ምንስ ልታበሉ በምን ልታኖሩ
ምቾታችሁ ጠፍቶ ከምትማረሩ
መውለድን ኣቁሙ ይቀነስ ቁጥሩ
እያሉ በሚሰብኩ ለተጠራጠሩ
በተለያየ መጠን ለነሱ ላደሩ
ልባቸውን ሰጥተው ወስዋስን ለፈሩ
ስለ ሪዝቅና ስለ ራዚቁ
ለተቀዣበሩ
ሰበብን
ከሀቂቃው አስበልጠው
በመመካት ለሱ ላደሩ
ስለ ጌታቸው ጥሩ ግምት
ላላሳደሩ
የዚህ ሁሉ ስጋት ኢኮኖሚ
ለሆነባቸው በሙሉ
በሆነ ባልሆነው ኢማናቸውን
ከሚየጓድሉ
ይታረሙ ዘንድ በአላህ ይወከሉ !
እያልኩ ወደ ታላቁ ፈቂህ
መልእክት እገባለሁና
ይከታተሉ።
🌾
🔹قال العلامه بن عثيمين رحمه الله:
ሸይኽ ሷሊህ ቢን ዑሰይሚንرحمه الله ስለዚህ ጉዳይ እንደሚከተለው ይመክሩናል።
👥 «ልጆችን አታብዙ ሪዝቃችሁን ይቀንሳል ! [ኢኮኖሚያችሁን ያጣብባል፣ ኑሯችሁን ያናጋል] በማለት በጌታው ላይ ያለውን ግምት ብልሹ ያደረገ ሰው ግልፅ የሆነን ጥመት ጠምሟል።
በዓርሹ ጌታ ይሁንብኝና እንዲህ የሚሉ ሰዎች ዋሽተዋል። ልጅ ባበዙ ቁጥር አላህም ሪዝቃቸውን ያበዛላቸዋልና።
ምክንያቱም በምድር የምትንቀሳቀስ ነፍሳት ሁላ ሲሳይዋ በአላህ ላይ ነው። የልጆችህ፣ የጨቅላዎችህ ሪዝቅ በሙሉ በአላህ አዝዘ ወጀልለ እጅ ነው። በነሱ ላይ ለምታወጣው ወጪ ሁሉ የገቢውን የሪዝቅ በር የሚከፍትልህ እሱ ነውና።
ነገር ግን በርካታ ሰዎች ዘንድ ስለአላህ ያለው ግምት ብልሹ ነው። በመሆኑም የሚታይ [የሚጨበጥ] በሆኑ ዓለማዊ ነገሮች [ከደሞዝና ከተለያዩ የገቢ ምንጮች ያገኙት ቁጥር] ላይ ይመረኮዛሉ። ልጆች ቢበዙም የሚረዝቃቸው እሱ ሆኖ ሳለ ከዓለማዊው እይታ አሳልፈው ስለ አላህ አዝዘ ወጀልለ ቁድራ በጥልቀት ኣርቀው አያስቡም።
ስለዚህም ልጆችን አብዛ! ሪዝቅህም ይበዛልሃል። ትክክለኛው አቋምም ይኸው ነውና።»
📚 شرح رياض الصالحين (91/1)
በማለት ለዓቂዳችን፣ ለስነ ልቦናችንና ለማህበራዊ ህይወታችን መድህን የሆነውን ምክራቸውን አስተላልፈውልናል።
رحمه الله راحمة واسعة
አላህ ለሪዝቃችን ሳይሆን ለመጨረሻዋ መኖሪያችን በተግባር የምንጨነቅ ያድርገን።
=======
🎤 20/02/16🕑11/05/1437
©ተንቢሃት
📑⁰²¹/
