አማላጅ እና ተማላጅ (ሸፈዓ)

አማላጅ እና ተማላጅ (ሸፈዓ)፡፡ በአላህ ስም እጅግ በጣም አዛኝ በጣም ሩህሩህ፡፡ የአላህ ሰላት እና ሰላም በአበል ቃሲም፤ በቤተሰቦቻቸው፤ በሰሃባዎቻቸው እና ፈለጋቸውን በተከተሉ ላይ ሁሉ ይሁን፡፡ በእስልምና ምልጃ ቀባይነት ያለው እና ተቀባይነት የሌለው ተብሎ ለሁለት ይከፈላል፡፡ ምልጃ የሚጠቅመው በአላህ ላይ አምነው፤ ተውሂድን ይዘው፤ ከሽርክ ውጭ ያሉ ወንጀሎችን ለሰራ ሰው ነው፡፡ ሽርክ የሰራን ሰው ምልጃ እንደሌለው ነብያችን (ሰለላሁ አለይሂ ወሰለም) ተናግረዋል፡፡ ለተማላጅም ለአማላጅም አላህ ሊፈቅድላቸው ይገባል፡፡ አላህ ሳይፈቅድ፤ ነብያትም ይሁኑ ሷሊሆች ማማለድ አይችሉም፡፡ ያም ከሽርክ በታች ያለን ወንጀል የሰራ ባሪያ አላህ ሳይፈቅድለት ማንም ሊያማልደው አይችልም፡፡ ምልጃ አምልኮ እንደመሆኑ መጠን የሚጠየቀው ከአላህብቻ ነው፡፡ ከአላህ ውጭ ከተጠየቀ ሽርክ ይሆናል፡፡ የሚቻለው ምልጃ፡- አላህ ለነብያችን፤ ለቁርዓን ለሌሎችም አላህ ፈቅዶላቸው፤ ከሽርክ በታች የሆነ ወንጀል ለሰራው ባሪያም አላህ ፈቅዶለት ያማልዱታል፡፡ ይህን ምልጃ አማኝ የሆነ ሰው ከአላህ ብቻ ነውሊጠይቅ የሚገባው፤ ምሳሌ ‹‹አላህ ሆይ! የነብያችንን (ሰለላሁ አለይሂ ወሰለም) ምልጃ ግጠመን›› ይህ ኢባዳ ነው ወደ አላህ የምንቃረብበትም ነው፡፡ ልብ ሊባል የሚገባው የተለመነው አላህ ነው፡፡ ልክ እሳቸው ላይ ሰለዋት ስናወርድ ‹‹አላህ ሆይ! በነብዩላይ ሰለዋት አውርድ›› እንደምንለው፡፡ የማይቻለው ምልጃ፡- ላላመነ፤ እምነቱን በሽርክ ላጨማለቀ ሰው ማንም ሊያማልደው አይችልም፡፡ ሽርክ የሆነው የምልጃ ጥያቂ ‹‹ነብያችን አማልዱኝ፤ መርየም አማልጂኝ፤ ኢሳ፤ አማልደኝ፤ ጂብሪል አማልደኝ›› እንዚህ እና የመሳሰሉት የሽርክ ተግባሮች ናቸው፡፡ነብያችን (ሰለላሁ አለይሂ ወሰልም) በአባሁረይራ (ረድየላሁ አንሁም) ተጠየቁ ‹‹ከሰዎች ሁሉ ባለእጣ የሀነው በእርሶ ሸፈዓ የታደለው ማን ነው?›› ነብያችንም ለአባሁረይራ እንዲህ ብለው መለሱለት ከሰዎች ሁሉ ለሀዲስ ባለህ ጉጉት አንተ ትሆናለህ ይህችንጥያቂ የምትይቀኝ ብዬ እገምታለሁ ‹‹በኔ ሸፈዓ እድለኛ የሆነው ሰው፤ ላኢላሃኢለላህ የሚለውን ከልቡ ጥርት አድርጎ ያለ ነው››፤ስለዚህ የአላህ ባሪያዎች ሆይ አላህ ከልባቸው ጥርት አድርገው ላኢላሃኢለላህ ከሚሉት ሰዎች ያድርገን፤ አላህም የነብያችንን ምልጃ ይለግሰን፡፡ በነብያት መደምደሚያ፤ የአደም ልጆች ሁሉ ምርጥ በሆኑት፤ የአላህ ውድ ባሪያ ነብዩ ሙሃመድ ላይ የአላህ ሰላትእና ሰላም ይውረድ፡፡ አላሁ አሚን