በምን ምክንያት ዱዓችን ተሰሚነት አጣ?

بسم الله الرحمن الرحيم الحمد لله رب العالمين، وصلى الله وسلم على رسولهበምን ምክንያት እዚህ መከራ ውስጥ ወደቅን? በምን ምክንያት ዱዓችን ተሰሚነት አጣ?
የነብያት ሁሉ ፈርጥ እንዲህ ይላሉ ከሁዘይፋ (ረድየላሁ አንሁም) ነብያችን (ሰለላሁ አለይሂ ወሰልም) እንዲህ አሉ ‹‹ ነፍሴ በእጁ በሆነች ጌታ ይሁንብኝ፡፡ በኸይር ማዘዝ ከመጥፎ መከልከል የግድ ይሆንባችኋል፡፡ አለበለዚያ አላህ ከእርሱ የሆነን ቅጣት ሊልክባችሁ ይቀርባል (ቅጣን ይልክባችኋል)፡፡ ከዛም ትለምኑታላችሁ (ዱዓ ብታደርጉ) አይቀበላችሁም (አያነሳላችሁም)›› ቲርሚዚ ሀዲሱን ሀሰን 2169 እስቲ ከዚህ ሀዲስ የምንወስደውን ተጨባጭ ትምህርት እንይ፡፡ የአላህ መልክተኛ (ሰለላሁ አለይሂ ወሰልም) በኸይር ማዘዝ ከመጥፎ መከልከል ግድ ይላችኋል አሉ፡፡ የኸይሮች ሁሉ ቁንጮ ምንድን ነው? የሸሮች ሁሉ ቁንጮ ምንድን ነው? ጥቂት ምሳሌዎች ብቻ - በተውሂድ ማዘዝ፤ ከሽርክ መከልከል ተውሂድ ማለት ሰውም ጂንም የተፈጠርንለት አላማ፤ ጀነት እና ጀሃነም የተዘጋጁለት፤ መልክተኞች የተላኩበት፤ መለኮታዊ መፀሃፍት የወረዱበት፤ ነብያት ሁሉ የገጠሙበት መልክት፤ ማንኛውም ስራ ተቀባይነት ይኖረው ዘንድ መሟላት ካለባቸው መስፈርቶች ውስጥ የመጀመሪያው ተውሂድ ወይንም ኢኽላስ፤ ሁለተኛው ደግሞ የነብያችን ሱና ነው፡፡ ሽርክ ደግሞ ማለት ለአላህ የሚገባውን መብቶች በጠቅላላ ለአላህም እየሰጡ ከአላህ ውጭ ላሉትም አብሮ መስጠት ይህንን ታላቅ መልክት ምን ያፈርሰዋል? የአምልኮ ክፍልን ከአላህ ውጭ ላለ ማንኛውም ፍጡር ካደረገ አንድ ባርያ ክስረት ውስጥ ገብቷል፡፡ ለምሳሌ 1) መላእክትን ጅብሪልን (አለይሂ ሰላምን) ይመስል፤ የአላህን መብት አሳልፎ የሰጠው ሰው በእርግጥ አጋርቷል ስራውም ውድቅ ይሆናል፡፡ 2) ነብያትን ኢሳ(አለይሂ ሰላምን) እና ነብዩ ሙሃመድን (ሰለላሁ አለይሂ ወሰልም) ይመስል፤ የአላህን መብት ለኢሳም ይሁን ለነብያችን የሰጠ በእርግጥ በአላህ ላይ አጋርቷል፡፡ ምሳሌ ነብያችንን (ሰለላሁ አለይሂ ወሰልም) እንዲህ ሲሉ መለመን ‹‹ሁዝ ቢየዲ ያረሱለላህ፤ አጊስና ያረሱሉላህ (የአላህ መልክተኛ ሆይ! እጂን ያዙኝ፡፡ የአላህ መልክተኛ ሆይ ካለንበት ጭንቅ አውጡን›› ይህ ድብን ያለ ሽርክ ነው፡፡ ሊሸፋፍኑት ካልፈለጉ በቀር፡፡ 3) ጂኖችን ማምለክ፤ አገራችን ላይ ለምሳሌ ብዙ እናት እና አባቶች (አውሊያ፤ ሙወከል፤ ጢሽጣጣ፤ ዛር፤ ቆሌ እና የመሳሰሉትን ስም እየሰጡ)ጂን ያመልካሉ፡፡ የተለያየ አይነት ከለር በመመረጥ ዶሮ፤ በግ፤ ፍየል፤ ከብት እና የመሳሰሉትን ቀን ጠብቀው የተወሰነ ቦታ ላይ ሆደው ከአላህ ውጭ ማረድ፡፡ አቅም የለኝም ዶሮ ለማረድ ያለውን የሽርክ ባልደረባ ‹‹ንፍሮ ቀቅል›› እና ውሃውን እዚህ የምትባልዛፍ ስር ወስደህ ድፋት ይሉታል፤ ግማሹን ጨሊ አንጠልጥል ይሉታል፡፡ ኢትዬጵያ ውስጥ የሚመለኩ ጂኖች በጥቂቱ ‹‹ሰይፉ ጨንገሪ፤ ሸህ አንበሶ፤ አዳል ሞቴ፤ ወሰን ጋሎ፤ ሻሺ እና የመሳሰሉት›› ይሄ በየቤታችን እናት እና አባቶቻችን የሚሰሩት ነው፡፡ ታድያምን ነው በአባት እና በናቶቻችን ጨከንባቸው፡፡ እነሱ እኛን እሳት እንዳይነካን ዱንያ ላይ ተንከባክበውን…… ያሳዝናል 4) ሷሊሆች አልይን፤ ሁሴንን፤ ፋጢማን፤ ዘይነብ (ረድየላሁ አንሁም) ከአላህ ውጭ ይጠራሉ ይለመናሉ፡፡ 5) ገና የጀነት ይሁኑ የእሳትፍርድ ያልተሰጠባቸው ሰዎች ይለመናሉ ኢትዮጵያም ውስጥ ይሁን ከኢትዮጵያ ውጭ፡፡ አንዳንዶቹ በእውቀታቸው እና አላህን ፈሪነበሩ ተብሎ በኡለማዎች የተነገረላቸው እንደ አብድል ቃድር ጀይላኔ፤ አንዳንዶቹ ሰላት የማይሰግዱ፤ አረቂ እና ጠጅ የሚጠቱ የሰው ሚስት የሚደፍሩ ዝሙት ሰሪዎች፡፡ ይህ ሁሉ ኢትዮጵያ ውስጥ አለ፡፡ 6) የነገን ማወቅ ገይብ ሙሉው ለአላህ ሆኖ ሲያበቃ፤አገራችን ላይ የሸህ ሁሴን ጅብሪል ትንቢት፤ ሲኒ ላይ አተላ እያስነበቡ ማስጠንቆል፤ ኮከብ ማስቆጠር እና መሰሎች አሉ፡፡ 7) አላህ ጠዋፍን የደነገገው መካ ላይ ብቻ ሲሆን፤ ኢትዮጵያ አገራችን ላይ የኑር ሁሴን ከብር እየተባለ ይጠወፋል፡፡ ለቃጥባሬ ቀብርሱጁድ የደረጋል፤ የአብሬት ቀብር አፈሩ ተበጥብጦ ይጠጣል፤ የአልከሶ ስፍራ ያለችው ዛፍ ፈቅፍቀው በጥብጠው ይጠጧታል፡፡ልጅ ስጡኝ እየተባለ ሙታኖቹ ቀብር ለቀብር ይኪዳል 9) ጥንቆላ እና ሽርክ በክርስታያኖች ዘንድ የሙስሊሞች መገለጫ ተደርጎእስኪታይ ድረስ እና የመሳሰሉት - የፀዳችው ሱና እና የረከሰችው እርጉሟ ቢድዓ ሰሃባዎች ሳይጨምሩ ሳይቀንሱ ያስተላለፉልንንዲን ሲበረዝ እና ሲበራረዝ፤ እና የድሪቶ ጨለማ እስልምናን ሊያለብሱት ሲሞክሩ ታያለህ 1) አላህ ከደነገጋቸው ሁለቱ ኢዶችእና ጁምዓ ውጪ፤ መውሊድ ብለው፤ ያውም በነብያችን መውሊድ ላይ ብቻ አያቆሙም፡፡ አንዋር መስጂድ በዝግ የሚከበረው ‹‹የኡለማዎች መውሊድ››፤ የቃጥባሪ መውሊድ፤ የአብሪት መውሊድ፤ የወሎ እድር መውሊድ፤ የዳንግላው መውሊድ፤ የጎንደር እድር የሚያከብረው የአሊ ጎንደር መውሊድ፤ የጀማ ንጉሱ……. እና የመሳሰለው፡፡ መውሊድ ቢድዓ ስለሆነ እንጂ ቢድዓ ውስጥ ያመጣሁት፤ ውስጡ ያዘላቸው የሽርክ ተግባራት ሽርክ ውሥጥ ይከቱታል፡፡ 2) የአላህ መልክተኛ (ሰለላሁ አለይሂ ወሰለም) ከሰላትበኋላ የሚባለውን ዚክር አስቀምጠውልን ሲያበቁ፤ እሳቸው ያዘዙት እና የተገበሩት እንዳይሰራ ኢማሙ ዞሮ ወደ ህዝቡ ሰው ዚክሩን ሳይጨርስ ዱዓ ሰጀምር፤ የረሱልን (ሰለላሁ አለይሂ ወሰለም) ምክር ትተው፤ ቢድዓ ይሰራሉ፡፡ 3) ዋና ዋና የሚባሉ መስጂዶች ላይ ሀሙስ ማታ ሰለዋት እያሉ በጀመዓ አንዳንዴ ሽርክ የቀላቀሉ ነገሮችን ይናገራሉ፡፡ እና ተቆጥሮ የማያልቅ ስንት እና ስንት- ጥሩ እና ውብ ነገር ትቶ አስካሪ እና አደንዛዥ ነገሮች መጠቀም 1) ጫት፤ ሺሻ፤ ሲጋራ፤ አደንዛዥ እፅ የሙስሊም መገለጫ እስኪመስል ድረስ - ነብያችን (ሰለላሁ አለይሂ ወሰልመ) ጊዜን አስመልክቶ የውመል ቂያማ ትጠየቃላችሁ እያሉ፤ 1) ፊልም የሆሊውዱን ያዩና ቶብተናል ሲሉ፤ ፊልምን እናስልምላችሁ ‹‹ኢስላማዊ ፊልም›› አለ ብለው አቂዳን የሚያበላሽ የሺዓ ፊልም ማህበረሰቡን ማሳየት 2) ሙሰልሰል እየተባለ የቱርክ፤ የግብፅ እና የተለያዩ አረብ አገራትን አክተሮች ላይ ሲያፈጡ ማምሸት፡፡ አጅነቢ ሴትእና ወንድን እያዩ ልብን ሲያደርቁ ጫት ሲቅሙ አምሽቶ ፈጅር ሰላት ማሳለፍ፡፡ 3) ኳስ፤ ሻምፒዩንስ ሊግ፤ ኢትዮጵያ ከቡርኪናፋሶ እያሉ ጀመዓ ሰላት አላህ ወንድ ልጅ ላይ ግዴታ ያደረገውን መተው 4) የተደነገገው የዚክር አይነት እያለ መንዙማ እያሉ እስኪያልበው ድረስ መጨፈር፤ በምዕራቡ አለም ዘፈን ከሚደለቁት የበለጠ መደለቅ፡፡ ይህንንም ‹‹የነቢ ውዴታ›› የሚል ሽፋን መስጠት፡፡ ዶሮን ሲያታሏት….. - ነብያችን (ሰለላሁ አለይሂ ወሰልም) ዘረኝነትን አውግዘው ሲያበቁ 1) አማራ እና ኦሮሞ አይጋባም፤ስልጢና ጉራጊ አይጋባም እና የመሳሰሉትን የማሃይማን ህዝቦች ጥሪ የሚያደርጉ መሃይማን አሉ፡፡ አላህ ግን በግልፅ ማንም ከማንም እንደማይበልጥ አስቀምጦታል፡፡ ከእኛ ውስጥ በላጩ አላህ የሚፈራው እንጂ ሌላ አይደለም፡፡ - ሊካህን እያወገዙ ዝሙትንማበረታታት 1) አንድ አጅነቢ ወንድ እና ሴት ቦይ ፍሪንድ ገርል ፍሪንድ ተባብለው አስፋልት ለአስፋት ተቃቅፈው ሲሄዱ፤ ልጅቷን ቤት ድረስ ሲሸኛት ማንም ምንም አይናገረውም፤ ብሎም አንዳንዴ ወንድሟ ልጁን ሰላም ሊለው ሁሉ ይችላል፡፡ ልክ እንዚህልጆች ኒካህ እናድርግ ካሉ የሚከተለውን ትሰማለህ ‹‹እድሜዋ አልደረሰም፤ ትምህርቷን ትጨርስ፤ ቤተሰብ ታክረን……›› ዝሙቱን እና ሌላ አላህ የተላውን ሲሰሩ ይህ አባባላቸው አይደመጥም ትዳር ካሉ፤ የመሀር እና የጥሎሽ መዓት ይደረደርለታል፡፡ ወጣቱም ይህን ፈርቶ አላህ የተላውን ወንጀል እየሰራ ነው ያለው
ወደ ጨብጡ ልመለስ ሽርክ የሚባለው አደጋ በጣም ከባድ፤ እየሰራው ለሞተ ሰው መጬም ቢሆን ጀነት የመግባት እድል እንዳይኖረው የሚያረደርግ ነው፡፡ ከሽርክ በታች ያሉት ወንጀሎች አላህ ከፈለገ ይምራቸዋል፤ ካልሆነ ባሪያው ይቀጣበታል፤ ሲቀጣ ግንየወንጀሉን ብቻ ተቀጥቶ ወደ ጀነት ይመለሳል፡፡ ነብያችን (ሰለላሁ አለይሂ ወሰልም) ሙዓዝም (ረድየላሁ አንሁም) ወደ የመን ሲልኩት እንዲህ አሉት ‹‹አንተ የምታገኛቸው አህለል ኪታቦች ናቸው፤ የመጀመሪያጥሪህ ሸሃደቱ አላኢላሃ ኢለላህ፤ ወአኒ ረሱለላህ፤ ይህን እሺ ካሉህ በቀን እና በሌሊት 5 ወቅት ሰላት አላህ አዟቸዋል……….›› ሀዲሱ በግልፅ እንደሚያሳየው 1) አህለል ኪታቦች በዛ ወቅት ሽርክ ላይ ወድቀው ነበር፤ የሁዳዎች ኡዘይርን ያመልካሉ፤ ነሳራዎች ደግሞ ኢሳን ያመልካሉ፡፡ ስለዚህ ሙአዝን የመጀመሪያ ጥሪህ ወደ ተውሂ እና የኔን መልክተኝነት እንዲቀበሉ እና እንዲመሰክሩ ይሁን አሉት ነብያችን (ሰለላሁ አለይሂ ወሰልም)፡፡ ወደ አለንበት ተጨባጭ ሁኔታ ስንመጣ በኢትዮጵያም ይሁን በሌሎች ሙስሊም አገራት ሽርክ ተስፋፍቷል፤ ዳኢ የተባሰው የመጀመሪያው ጥሪ ሊሆን የሚገባው ወደ ተውሂድ ነው፡፡ ይህን ካላደረገ የነብያትን ፈለግ ተፃሯል፡፡ 2) ‹‹ይህን እሺ ካሉህ›› የሚለው የነብያችን አባባል በግልፅ እንደሚያሳየው አንድ ሰው ‹‹አቂዳው እምነቱ›› ሳይስተካከል ወደ ‹‹ሰላት፤ ሃጅ›› እና የመሳሰሉት አርእስቶች አይጠራም፡፡ ምን ይጠቅመዋል፤ በአላህ ላይ እያጋራ በጭንቅላቱ ተገልብጦ ቢሰግድ፡፡ ማስታወሻ ስራችንን እንፈትሸው ወደ አላህ መንገድ የምንጣራ ሰዎች ሽርክን በግልፅ እያየነው አላህ ካዘነላቸው ጥቂቶች ውጪ፤ አላህ ይጀመርበት ካለውአርስት ነው የጀመርነው???? ወደ አገራችን እንመለስ፤ በግልፅ ከላይ በጣም በጥቂቱ አገራችን ላይ ያየናቸው ሽርኮች እያሉ የመጀመሪያው ጥሪ እና ልፋት ሊሆን የሚገባው ምንድን ነው ግልፅ ነው መልሱ፡፡ ጥሪ ወደ ተውሂድ እና ከሽርክ ስለማስጠንቀቅ፡፡ ግንልብ ብለን እንመልከተው፤ ብዙ መልክቶች በየቀኑ ፌስቡክ ላይ ይረጫሉ ይሀው አመታት ማለፍ ይዘዋል፤ ይህንን የነብያችን (ሰለላሁ አለይሂ ወሰልመ) ትዕዛዝ ማየት እያቃተን ነው፡፡ በጣም የሚያሳዝነው በጥቂት (አላህ ኢኽላስ ይስጣቸውና) ወንድሞች ወደተውሂድ ጥሪ ሲደረግ ያዩ ሰዎች አብዛኛዎቹ፤ ነብያት ላይ እንደተደረገው አይነት ‹‹ስድብ እና ውርጅብኝ›› ያሰማሉ፡፡ አደለምወደ ተውሂድ ሊጣሩ፤ ወደ ተውሂድ እና ሱና የሚጣሩትን፤ ሽርክ እና ቢድዓ እንራቅ የሚሉ ወንድሞችን ቅፅል ስም ይሰጧቸዋል፡፡ ነብያችን (ሰለላሁ አለይሂ ወሰልም) ‹‹አባት እና ልጅ የሚበታትን›› ተብለው ነበር፡፡ ዛሬም ወደ ተውሂድ እና ሱና ከተጣራ አንድ ሰው ‹‹በታታኝ›› ይባላል፡፡ እነዚህ ሰዎች ይሉ ይሆናል ‹‹በየመስጂዱ ማስተማር እኮ አሁን አንችልም›› ለዚህ ጥያቄያቸውበአላህ ፍቃድ ሁለት መልስ እንስጥ 1)ከዚህ በፊት መስጂዶች ላይ የማስተማር እድሉ በነበረ ሰዓት ለምን ይህ አንገብጋቢ አላህይጀመርበት ብሎ ያዘዘበት፤ ነብያቶቹ ሁሉ የጀመሩበት፤ እውነተኛ የነብያት ወራሽ የሆኑት ኡለማዎች የጀመሩበት፤ ተውሂድ ማስተማር እና ሽርክን ማስጠንቀቅ፤ ለምን ያኔ መስጂዶች ላይ የማስተማር ቻንስ በነበረበት ወቅት አላስተማሩም 2) አሁንስ ቢሆን አባት፤ እናት፤ ወጣት፤ መላው ማህበረሰብ ፊስቡክ፤ ዩ ቱዩብ፤ ቻናሎች ይመለከታል፤ እውነት ኡማውን ካለበት ጨለማ ማውጣትከሆነ የሚፈለገው አሁንም ከልካይ የሌለባቸውን እንዚህን ሚዲያዎች ተጠቅሞ ለምን ይህ ምንም ሊቀደመው ከሱ በፊት የማይገባው መልክት አይስተላለፍም ምክንያቱ ምንድን ነው አሁንም ገና አልመሸም ግዜ ነው፡፡ አላህ ወደ ባሰ ፈተና ሳይከተን፤ ያዘዘንንእንፈፅም፡፡ የአላህ(ተውሂድ) እና መልክተኛው (ሱና) ሳያስከብሩ ፍጡራን ፍትሃዊ ይሆኑልኛል ብሎ መገመት ከባድ ነው፡፡ እስቲማስተማሩ ቢቀር ሰው ሲያስተምር፤ ተውሂድን ለሚያስተምሩ ሰዎች መጥፎ ስም በመስጠት ሰዎችን ወደ አላህ መንገድ እንዳይገቡ እንቅፋት አንሁን፡፡ አላህ በተውሂድ፤ ሱና እና የአላህ እና መልክተኛው የሚወዱትን ሁሉ ከሚያዙ፤ ከሽርክ፤ ቢድዐ እና አላህከጠላው ሁላ ከሚከለክሉ፤ ዱዓቸውን ከሚቀበላቸው ያድርገን፡፡ የአላህ ሰላት እና ሰላም በአበል ቃሲም፤ በቤተሰቦቻቸው፤ ቨሰሃባዎቻቸው እና የነሱን ፈለግ እስከቂያማ ላይ በተከተሉ ሁሉ ላይ ይሁን፡፡ አሚን