ቅድሚያ ለተውሒድ

ከአህሉሱና ወልጀመዓ የእምነት መሰረቶች መካከል፡-

by Aman ibrahim

ከአህሉሱና ወልጀመዓ የእምነት መሰረቶች መካከል፡-
- ልባቸውና ምላሳቸው ሶሀቦችን (የነብዩን ባልደረቦችን) ከመዝለፍ ቁጥብ ነው፡፡ አሏህ ሱብሃነሁ ወተዓላ ስለ ትክክለኛ ሙእሚኖች ባህሪ ሲገልጽ እንዲህ ይላል ፡- "ለነዚያም በእምነት ለቀደሙን ወንድሞቻችን ምሕረት አድርግ፡፡ በልቦቻችንም ውስጥ ለነዚያ ለአመኑት (ሰዎች
)
ጥላቻን አታድርግ፡፡ ጌታችን ሆይ! አንተ ሩህሩህ አዛኝ ነህና ይላሉ፡፡("ሀሽር፡10)
ረሱል አለይሂሶላቱ ወሰላም ለሶሃቦች ያላቸውን ፍቅር እንደሚከተለው ገልጸውታል፡
- "ሶሃቦቼን አትሳደቡ፤ ነፍሴ በእጁ በሆነው ጌታ እምላለሁ፤ አንድ ሰው የኡሁድ ተራራን ያህል ወርቅ ቢለግስ ሶሀቦች አንድ እፍኝ ወይም ግማሽ ከሚለግሱት አይስተካከልም፡፡"ቡኻሪና ሙስሊም ዘግበውታል፡፡

- የረሱልን ቤተሰቦች ይወዳሉ፡፡ ረሱል እንዲህ ይገልጹታል፡
-
"የቤተሰቦቸን ነገር አደራ፡፡"ሙስሊም ሀዲሱን ዘግበዋል፡፡ ከቤተሰቦቻቸው ውስጥ ሚስቶቻቸው ይገኙበታል

አሏህ ሱብሃነሁ ወተዓላ እንዲህ ይላል ፡-"የነብዩ ሴቶች ሆይ! ከሴቶች እንደ ማናቸው አይደላችሁም፤ አላህን ብትፈሩ(ትበልጣላችሁ)፤ ያ በልቡ ውስጥ በሽታ ያለበት እንዳይከጅል በንግግር አትለስልሱም፤ መልካምንም ንግግር ተናገሩ፡፡"አህዛብ፡
32
አላህ የረሱልን ቤተሰብ በመልካም ቀጠሮና በታላቅ ምንዳ ቀጥሯል፡፡

"በቤቶቻችሁም ውስጥ እርጉ፤ እንደ ፊተኛይቱ መሃይምነት ጊዜ መገለጥም በማጌጥ አትገለጡ፤ ሶላትንም በደንቡ ስገዱ፤ ዘካንም ስጡ፤ አላህንና መልክተኛውንምታዘዙ፤ የነብዩ ቤተሰቦች ሆይ! አላህ የሚሻው ከናንተ ላይ ርክሰትን ሊያስወግድና ማጥራትንም ሊያጠራችሁ ብቻ ነው፡፡"አህዛብ፡
33
የረሱል ቤተሰብ ሲባል በዋነኝነት የቅርብ ዘመዶቻቸውን ይመለከታል፡፡ ከቅርብ ዘመዶቸቸውም ሷሊህ (ደጋግ) የሆኑትን ብቻ ትኩረት ይሰጣል፡፡ ከሀዲ ዘመዶቻቸው ከአህለል በይት አይቆጠሩም፡፡ ለምሳሌ አጎታቸው አቡለሀብ እና መሰሎች፡፡

"የአቡለሀብ ሁለት እጆች ከሰሩ (ጠፉ እርሱ) ከሰረም፡፡"(መሰድ፡1) አላህን እያመጸ የረሱል ዘመድ መሆኑ ፋይዳ የለውም፡፡ ረሱል ሶለላሁ አለይሂ ወሰለም እንዲህ ይላሉ፡
-

"እናንተ ቁረይሾች ሆይ! ነፍሳችሁን አድኑ፤ ከአላህ ቅጣት አላድናችሁም፡፡ አንተ አባስ ሆይ! የረሱል አጎት፤ ከአላህ ቅጣት አንድም አላድንህም፡፡ የረሱል አክስት ሶፍያ ሆይ! ከአላህ ቅጣት አላድንሽም፡፡ አንች ፋጢማ የሙሀመድ ልጅሆይ! ከገንዘቤ የፈለግሸውን ጠይቂኝ፡፡ ከአላህ ቅጣት አላድንሽም፡፡"ሀዲሱን ሙስሊም ዘግበውታል፡፡ ሷሊህ የሆኑትንየረሱል አለይሂሶላቱ ወሰላም ዘመዶች ማክበርና መውደድ ተገቢ ነው፡፡ በመውደድ ሽፋን ይጠቅማሉ ወይም ይጎዳሉብለን ልክ እንደአላህ ልናመልካቸውና ወደአላህ መቃረቢያ ልናደርጋቸው ግን አይገባም፡፡

"እኔ ለናንተ ጉዳትም ቀጥታንም አልችልም በላቸው፡፡"|(ጅን፡ 21)
"

"አላህ የሻውን በስተቀር ለራሴ ጥቅምንም ጉዳትንም አልችልም ሩቅንም (ምስጢር) የማውቅ በነበርኩ ኖሮ ከመልካምነገር ባበዛሁና ክፉም ነገር ባልነካኝ ነበር እኔ ለሚያምኑ ህዝቦች አስፈራሪና አብሳሪ እንጂ ሌላ አይደለሁም በላቸው፡፡"አእራፍ፡ 188