በአላህ ስም እጅግ በጣም አዛኝ በጣም ሩህሩህ፡፡ የአላህ ሰላት እና ሰላም በአበል ቃሲም፤ በቤተሰቦቻቸው፤ በሰሃባዎቻቸው እናፈለጋቸውን በተከተሉ ላይ ሁሉ ይሁን፡፡ በስም መመሳሰል በባህሪ መመሳሰልን አያስይዝም ለአህባሾች፤ ለአሽአሪዬች እና ለማትሩዲዬች ማምታቻ የተሰጠ ምላሽ፡፡
እነሆ አላህ ዲኑን ሞልቶታል፤ ነብያችንም (ሰለላሁ አለይሂ ወሰለም) ለኡመታቸው አንድም ነገር ሳያስቀሩ፤ ከጌታቸው የተላኩበትን ሁሉ ለኡመታቸው አስተላልፈዋል፡፡ የአላህ መልክተኛ (ሰለላሁ አለይሂ ወሰለም) እንዲህ ይላሉ ‹‹ከሰዎች ሁሉ ምርጥ እኔ ያለሁባቸው ናቸው (ሰሃባዎች)፤ ከዛም ቀጥሎ ያሉት (ታቢኢዬች)፤ ከዛም ቀጥሎ ያሉት (አትባኣ ታቢኢን)›› ከዛ በኋላ ስለሚመጡት ሰዎች ሲናገሩ መጥፎ መሆናቸውን አስቀመጡ፡፡ የቢድዓ አስተያየቶች፤ ሰሃባዎች ያልሄዱበትን እንሄዳለን ብለው የሚፈላሰፉ፤ የሸይጧንን መንገድ የሚከተሉ ተተኩ፡፡ የጠመሙ ሰዎች ከአደም (አለይሂ ሰላም) ዘመን ጀምሮ እስካለንበት ዘመን ድረስ የሚታወቁበት ባህሪ ጥሩውን መጥፎ፤ መጥፎውን ጥሩ አድርጎ በማቅረብ ነው፡፡ ለዚህም ምሳሌው ነብያችን የተላኩባቸው አጋሪያንከአላህ ሌላ የሚያጋሯቸውን አማልክት ‹‹ወደ አላህ አማላጆቻችን፤ ወደ አላህ አቃራቢዎቻችን›› ብለው ጠሯቸው፡፡ ነብያችንንእና ይዘው የመጡትን ሀቅ ደግሞ ‹‹አባት እና ልጅን የሚበታትን ሰው መጥቷል›› ብለው፤ የነብያችንን ጥሪ ጥላሸት ቀቡት፡፡ ልክእንደዚሁ ሁሉ አዛኝ መሳዬች፤ የጥመት ተከታዬች ጀመዓተል አህባሽን እና ሌሎች የጥመት ቡድኖች ወንድሞቻቸውን ይመስል፤ አላሁ (ሱብሃነሁ ወተዓላ) ስለ ነፍሱ ያፀደቃቸውን ባህሪያት እና የአላህ መልክተኛ (ሰለላሁ አለይሂ ወሰለም) ለአላህ ያፀደቁለትንባህሪ፤ ‹‹አናመሳስልም›› በሚል ማጭበርበሪያ፤ አላህ ለራሱ ያፀደቀውን ባህሪ ውድቅ ያደርጋሉ፡፡ አላህ እንዲህ ይላል لَيْسَ كَمِثْلِهِ شَىْءٌ وَهُوَ السَّمِيعُ الْبَصِيرُ ‹‹የሚመስለው ምንም ነገር የለም፤ እርሱም ሰሚው ተመልካቹ ነው፡፡›› ከዚህ አንቀፅምን እንረዳለን
1) አላህ አምሳያ እንደሌለው፤ ቢጤ እንደሌለው
2) አላህ ሰሚም ተመልካችም ነው፡፡ ሰሚ እና ተመልካች ነውስንል ሳናመሳስል፤ ለእሱ የመጡትን ባህሪያት የአላህን ልቅና በተገባ መልኩ ሁኔታውን ሳንፈላፈል እንዲህ ይመስላል ሳንል እናፀድቃለን፡፡ አህባሾች እና መሰሎቻቸው የአላህ ስም እና ባህሪያትን ላለማፅደቅ ከሚያነሷቸው ነጥቦች ውስጥ ‹‹አላህ አምሳያ የለውም›› ፡፡ እኛ የምንጠይቃቸው መጀመሪያ አንቀፁን ለምን ትቆርጡታላችሁ??? አንቀፁን ጨርሱት፡፡ የአላህ ስም እና ባህሪያትን ስናፀድቅ ሳናመሳስል እናፀድቃለን፡፡ አህባሾች እና መሰላቸው የአላህን ስም እና ባህሪያት ለማፅደቅ ሲሞክሩ ያመሳስሉታል፤ ከዛ ላለማመሳሰል ብለው ውድቅ ያደርጉታል፡፡ ጥያቂው ግን ሳያመሳስሉ ማፅደቅ አይቻልምን????? የሚከተለውን ምሳሌ ልብ እንበል፡፡ አላህ የፍጡራን ሁሉ ፈጣሪ ነው፡፡ አላህ መላኢካን፤ ዶሮን፤ አሞራን ፈጥሯል፡፡ ለሰው ልጆችም ጭንቅላት ሰጥቶ አውሮፕላን ኢንዲፈጥሩ አግርቷል፡፡ መላኢካም፤ አውሮፕላንም፤ ዶሮም፤ አሞራም ክንፍ አላቸው፤ በስም ተመሳስለዋል፤ ባባህሪ ይመሳሰላሉ ማለትነውን??? ታድያ በፍጡራን መሃል በስም መመሳሰል፤ በባህሪ ካላመሳሰላቸው፤ እንዴት ታድያ በአላህ እና በፍጡራን ማካከል በስም መመሳሰል ስላለ በባህሪ መመሳሰል ይኖራል??? ስለዚህ ለአላህ የመጡ ባህሪያትን እናፅድቅ ሳናመሳስል፡፡ ለምሳሌ
1) አላህከአርሽ በላይ ነው፡፡ ይህን ስንል፤ የእሱን ሞገስ እና ክብር በሚገባ መልኩ፤ እንዴት ብለን አንጠይቅም፤ ምክንያቱም አላህ እና መልክተኛው አልነገሩንም፡፡ ሰሃባዎች ያልጠየቁትን መፈላፈል የጥመት ምልክት ነው፡፡
2) አላህ አይኖች አሉኝ ብሏል፡፡
3) አላህ በደምን በእጆቼ የፈጠርኩት ብሏል፡፡ እና የመሳሰሉትን የአላህ ባህሪያት እንደመጡ እናፀድቃለን፡፡ አላህን በስም እና በባህሪያቱ አውቀውት ከሚፈሩት እና ከሚወዱት ባሪያዎቹ ያድርገን፡ አላሁመ አሚን፡፡
